• headermain

Mo Matou

Te Reo Irirangi O Turanganui A Kiwa.

He Mihi

Tuia ki te Rangi
Tuia ki te Whenua
Tuia ki te hinengaro o te tangata
Nga purapura tuku iho
A Kui ma, A Koro ma
Tihei Mauri Ora.

E tika ana me mihi me tangi mo ratou kua takahi atu ki Paerau. Kua tutakitaki ratou i runga o tatou maunga tapu. Kua moe.

Anei ano tatou e kawe tonu nei a ratou waihonga ake.

Tena koutou Te Mangai Paho te ringa whangai i a matou nga Reo Irirangi Maori o te motu.

E whakaae ana matou, me tuku atu enei tuhituhinga hei tirohanga ma koutou. Kia kite ai koutou, i nga wawata kua whakatakotoria i roto i enei tuhituhinga. A te wa hoki, ma te taringa e hopu atu i runga i nga kare o te rangi.

He taonga tuku korero Te Reo Irirangi o Turanganui A Kiwa. He taonga na nga iwi e toru o Ngai Tamanuhiri, Rongowhakaata me Te Aitanga a Mahaki. Ko matou nga kaitiaki. Na korero whakaputa na ratou kei.

Ko nga purapura, ko nga korero i parekerekehia e ratou, ka tipu ake, ka ratorato haere, ki tena, ki tena, i runga nga kare o te rangi.

E noho pumau tonu ana etahi wahi nohoanga tangata, me nga tikanga tuku iho. Ko nga toi tuku iho e pa ana, ki nga momo mea, o te hauhaketanga, te wa a tau, me nga ahua o te mahi, o nga raƒno mua. Kei te whakaae, kei te pupuritia. I whakamahia, i korerohia enei korero, i runga te ngakaunui, me te whakahi.

Ahakoa, ahua whakamataku ana, nga whakamatau, i te ngaro haere te reo, kei te koa rawa atu te ngakau, mo te wairua e pupu ake tonu, i roto i nga kohanga reo, i nga kura, i nga whare wananga, i nga marae. Ko te whakahau a nga tohunga mohio, ki te whakaako reo, ko te mea

tuatahi tonu, me hoatu taua reo, kia rangona ai, tona reka, tona mauri me tena wairua tangata.

Ko te mahi tuatahi, ko te whakaako ki te whakarongo, ki te tangi a te kupu, muri atu ki te korero. Kia ora ai te reo, me korero tonu, ahakoa kei whea te tangata, e mahi ana, ahakoa ko wai ma, ona hoa.

KOREROTIA - AKOHIA - WAIATATIA

Ko Maruata, te wahanga, hanga nga kaupapa, i roto i te reo anake. Kei roto i tenei pataka korero, ko nga kupu karakia, kupu tangi, kupu aroha, kupu hari, nga waiata, nga moteatea, me nga patere. Kua tae te wa, ki te takahi nga marae, ki te hopu nga korero, hei whakaki nga wharuarua.

Kua torutoru haere nga pakeke. Kua ngaro te reo pakeke, kua ara mai te reo hou. Te Reo o te Rangatahi. He nui nga mahi, he poto te wa.

Kia whakaoho koe i taku moe
Waiho ko te whatu o taku hinengaro
If you awaken me from sleep
Let it be for the delivery of new visions.

Noho ora mai i raro i nga parirau aroha o te Runga Rawa

Highway 35 Show with Keith

Turanga FM - Te Reo Irirangi o Turanganui-a-kiwa logo